ᱥᱟᱱᱛᱟᱲ ᱠᱚᱣᱟᱜ ᱥᱳᱦᱚᱨᱟᱭ ᱯᱟᱨᱟᱵᱽ

ᱥᱳᱦᱚᱨᱟᱭ ᱯᱟᱨᱟᱵᱽ ᱫᱚ ᱥᱟᱱᱛᱟᱲ ᱦᱚᱲ- ᱦᱚᱯᱚᱱ ᱠᱚᱣᱟᱜ ᱢᱮᱛᱮ ᱠᱷᱚᱱ ᱢᱟᱨᱟᱝᱟ ᱯᱟᱨᱟᱵᱽ ᱠᱟᱱᱟ. ᱱᱚᱣᱟ ᱯᱟᱨᱟᱵᱽ ᱫᱚ ᱥᱳᱦᱚᱨᱟᱭ ᱪᱟᱸᱫᱚ ᱨᱮ ᱠᱚ ᱯᱟᱨᱟᱵᱳ_ᱟ᱾ ᱚ ᱠᱟ- ᱚᱠᱟ  ᱡᱟᱭᱜᱟ ᱨᱮ ᱫᱚ ᱯᱩᱥ  ᱪᱟᱸᱫᱚ ᱦᱚᱸᱠᱚᱸ ᱯᱟᱨᱟᱵᱳ ᱠᱟᱱᱟ᱾ ᱥᱳᱦᱚᱨᱟᱭ ᱯᱟᱨᱟᱵᱽ ᱨᱮ, ᱪᱟ.ᱥᱤ ᱦᱚᱲ ᱠᱚ ᱜᱟ.ᱭ, ᱰᱟᱸᱨᱟ, ᱠᱟᱰᱟ, ᱵᱤᱛᱠᱤᱞ ᱠᱚ ᱥᱟᱨᱦᱟᱣ ᱠᱳᱜᱟ ᱾ ᱥᱳᱦᱚᱨᱟᱭ ᱫᱚ ᱢᱚᱸᱲᱮ ᱢᱟᱦᱟᱸ ᱠᱚ ᱢᱟᱱᱟᱣᱟ ᱾

ᱥᱳᱦᱚᱨᱟᱭ ᱨᱮᱭᱟᱜ ᱮᱛᱚᱦᱚᱵ ᱢᱟᱦᱟᱸ ᱺ-  ᱮᱛᱚᱦᱚᱵ ᱢᱟᱦᱟᱸ ᱫᱚ ᱩᱢ ᱱᱟᱲᱠᱟ ᱫᱤᱱ ᱠᱟᱱᱟ ᱾ ᱱᱚᱣᱟ ᱫᱤᱱ ᱫᱚ ᱟ.ᱛᱩ ᱨᱮᱱ ᱟᱭᱳ-ᱵᱟᱵᱟ ᱦᱚᱲ ᱠᱚ ᱫᱚ ᱚᱲᱟᱜ, ᱫᱩᱟ.ᱨ, ᱠᱩᱞᱦᱤ, ᱯᱤᱸᱰᱟ, ᱪᱷᱟᱴᱠᱟ ᱮᱢᱟᱱ ᱠᱚ ᱥᱟᱯᱷᱟᱭᱟ᱾ ᱯᱤᱸᱰᱟ,ᱵᱷᱤᱛ ᱨᱮ ᱜᱮᱡᱽ-ᱜᱩᱨᱤᱡᱽ, ᱞᱩᱱᱰᱟ.- ᱯᱳᱛᱟᱣᱟ, ᱠᱤᱪᱨᱤᱡ  ᱥᱮ ᱞᱩᱜᱰᱤ-ᱞᱟᱯᱳ ᱠᱚ ᱛᱤᱠᱤ ᱥᱳᱵᱚᱫᱟ ᱨᱟ ᱩᱢ ᱱᱟᱰᱠᱟ_ᱟ᱾ 

ᱥᱳᱦᱚᱨᱟᱭ ᱨᱮᱭᱟᱜ ᱫᱳᱥᱟᱨ ᱢᱟᱦᱟᱸ ᱺ - ᱥᱳᱦᱚᱨᱟᱭ ᱨᱮᱭᱟᱜ ᱫᱳᱥᱟᱨ ᱫᱤᱱ ᱫᱚ ᱜᱳᱴ  ᱵᱚᱸᱜᱟ  ᱫᱤᱱ ᱠᱟᱱᱟ᱾ ᱟ.ᱛᱩ ᱨᱮᱱ ᱜᱳᱰᱮᱫᱽ ᱫᱚ ᱚᱰᱟᱜ - ᱚᱰᱟᱜ ᱥᱮᱨᱦᱟ ᱪᱟᱣᱞᱮ ᱨᱟ ᱢᱤᱢᱤᱫᱴᱟᱹᱝ ᱥᱤᱢᱵᱩᱥᱟ ᱮ ᱩᱴᱷᱟᱣ  ᱠᱳᱣᱟᱭ᱾ ᱟ.ᱛᱩ ᱨᱮᱱ ᱱᱟᱭᱠᱮ ᱫᱚ ᱜᱳᱴ ᱴᱟᱱᱰᱤ ᱨᱮ ᱜᱳᱴᱮ ᱰᱳᱣᱟᱭᱟ᱾  ᱫᱤᱭᱟᱰᱟ ᱵᱟ.ᱛᱤ ᱡᱩᱞᱟᱭ, ᱥᱤᱢᱮ ᱵᱳᱝᱜᱟ ᱠᱳᱣᱟᱜ᱾ ᱯᱮ ᱯᱷᱩᱰᱩ ᱦᱟ.ᱰᱤ ᱮ ᱪᱚᱰᱚᱨᱟ ᱟᱨ ᱜᱟ.ᱭ, ᱰᱚᱝᱜᱨᱟ ᱫᱚ ᱥᱤᱢᱵᱤᱞᱤ ᱠᱚ ᱞᱮᱵᱮᱫ ᱦᱚᱪᱚ  ᱠᱚᱣᱟᱭ᱾ ᱚᱱᱟ ᱫᱚᱢᱚᱢ  ᱠᱚ ᱮᱥᱤᱱᱟ ᱨᱟᱠᱚ ᱡᱚᱢᱟ᱾ ᱧᱤᱫᱟᱹ ᱫᱚ ᱜᱟ.ᱭ ᱰᱟᱝᱨᱟ ᱠᱚ ᱟᱫᱜᱟ ᱪᱟᱣᱞᱮ, ᱫᱷᱩᱵᱤ ᱛᱟᱥᱟᱛ ᱥᱮ ᱜᱷᱟᱥ ᱛᱮᱠᱚ ᱪᱩᱢᱟ.ᱰᱟ ᱠᱚᱜᱟ᱾ ᱰᱟᱝᱨᱟ-ᱰᱟᱝᱨᱤ,ᱜᱟ.ᱭ ᱠᱟᱪᱟ ᱠᱚ ᱥᱟᱨᱦᱟᱜ ᱠᱚᱜᱟ, ᱨᱟ ᱠᱚ ᱡᱟᱜᱟᱣ ᱠᱚᱣᱟ᱾ 

ᱥᱳᱦᱚᱨᱟᱭ ᱨᱮᱭᱟᱜ ᱛᱮᱥᱟᱨ ᱢᱟᱦᱟᱸ ᱺ-  ᱛᱮᱥᱟᱨ ᱫᱤᱱ ᱫᱚ ᱜᱳᱰᱟ ᱵᱳᱝᱜᱟ ᱫᱤᱱ ᱠᱟᱱᱟ ᱾ ᱱᱚᱣᱟ ᱫᱤᱱ ᱫᱚ ᱚᱰᱟ ᱵᱳᱝᱜᱟ ᱨᱟ ᱦᱟᱯᱰᱟᱢ ᱠᱚ ᱧᱩᱛᱩᱢ ᱛᱮ ᱜᱳᱰᱟ ᱨᱮᱠᱚ ᱵᱳᱝᱜᱟ_ᱟ᱾ ᱜᱳᱛᱚᱢ ᱯᱤᱴᱷᱟ. , ᱥᱤᱢ, ᱥᱩᱠᱨᱤ  ᱮᱢᱟᱱ ᱠᱚ ᱰᱳᱝᱜᱟ ᱠᱚᱜᱟ᱾ ᱱᱮᱶᱛᱟ  ᱵᱟᱨᱛᱮ  ᱟᱠᱟᱱ ᱦᱚᱯᱚᱱ ᱮᱨᱟ, ᱢᱤᱥᱮᱨᱟ ᱟᱨ ᱵᱷᱟᱜᱱᱟ- ᱵᱷᱟᱜᱱᱤ ᱠᱚ ᱡᱤᱞ ᱫᱟᱠᱟ ᱠᱚ ᱡᱚᱢ ᱦᱚᱪᱚ ᱠᱚᱣᱟ ᱾ 

ᱥᱳᱦᱚᱨᱟᱭ ᱨᱮᱭᱟᱜ ᱯᱩᱱ ᱢᱟᱦᱟᱸ ᱺ- ᱥᱳᱦᱚᱨᱟᱭ ᱨᱮᱭᱟᱜ ᱯᱩᱱ ᱢᱟᱦᱟᱸ ᱫᱚ ᱠᱷᱩᱱᱴᱟᱣ ᱫᱤᱱ ᱠᱟᱱᱟ ᱾ ᱱᱚᱣᱟ ᱫᱤᱱ ᱫᱚ ᱠᱩᱞᱦᱤ ᱪᱷᱟᱴᱠᱟ ᱨᱮ ᱠᱷᱩᱱᱴᱤ ᱠᱚ ᱵᱤᱫᱟ ᱾ ᱠᱷᱩᱱᱴᱤ ᱨᱮ ᱜᱟ.ᱭ, ᱰᱟᱝᱨᱟ ᱨᱟ ᱠᱟᱰᱟ ᱛᱚᱞ ᱠᱚᱣᱟ ᱾ ᱱᱟᱣᱟ ᱢᱟᱞᱛᱤ ᱦᱩᱰᱩ ᱫᱷᱟᱶᱟ ᱛᱮᱠᱚ  ᱥᱟᱡᱟᱣ ᱠᱚᱣᱟ ᱾ ᱛᱩᱢᱫᱟᱜ ᱴᱟᱢᱟᱠ,ᱰᱷᱟᱠ, ᱨᱮᱜᱰᱟ, ᱪᱳᱲᱪᱩᱲᱤ, ᱜᱷᱟᱱᱴᱤ ᱮᱢᱟᱱ ᱠᱚ ᱨᱩᱭᱟ᱾ ᱥᱮᱨᱥᱧ ᱟᱠᱚ ᱟᱨ ᱰᱟᱰᱨᱟ  ᱦᱟᱨᱛᱟ ᱛᱮᱠᱚ ᱪᱟᱨᱦᱟᱣ ᱠᱚᱣᱟ᱾ ᱧᱤᱫᱟᱹ ᱫᱚ ᱞᱟᱝᱲᱮ ᱠᱚ ᱮᱱᱮᱡᱽ  ᱥᱮᱨᱮᱧᱟ᱾ 

ᱥᱳᱦᱚᱨᱟᱭ ᱨᱮᱭᱟᱜ ᱢᱳᱲᱮᱭᱟᱱ ᱢᱟᱦᱟᱸ ᱺ- ᱢᱳᱲᱮᱭᱟᱱ ᱫᱤᱱ ᱫᱚ ᱡᱟᱡᱞᱮ ᱫᱤᱱ ᱠᱟᱱᱟ᱾ ᱱᱚᱣᱟ ᱫᱤᱱ ᱫᱚ ᱥᱳᱦᱚᱨᱟᱭ ᱯᱟᱨᱟᱵᱽ ᱨᱮᱭᱟᱜ ᱢᱩᱪᱟᱹᱫ ᱢᱟᱦᱟᱸ ᱠᱟᱱᱟ ᱾ ᱟ.ᱛᱩ ᱨᱤᱱ  ᱠᱚᱲᱟ -ᱠᱩᱲᱤ, ᱦᱟᱲᱟᱢ - ᱵᱩᱲᱦᱤ ᱠᱚ ᱮᱱᱮᱡ ᱥᱮᱨᱮᱧᱟ ᱾ ᱫᱷᱟᱣᱟ ᱵᱤᱱᱰᱟ. ᱠᱚ ᱮᱱᱟ᱾ ᱠᱷᱩᱱᱴᱤ ᱠᱚ ᱛᱩᱢᱫᱟᱜ ᱾ ᱱᱟᱯᱟᱭ ᱱᱟᱯᱟᱭ ᱠᱚ ᱡᱚᱢ-ᱧᱩᱭᱟ ᱟᱨ ᱨᱟᱥᱠᱟᱭᱟ ᱠᱚ ᱾  ᱱᱚᱝᱠᱟ ᱛᱮᱜᱮ  ᱦᱚᱲ- ᱦᱚᱯᱚᱱᱟᱜ  ᱥᱳᱦᱚᱨᱟᱭ ᱯᱟᱨᱟᱵᱽ ᱢᱩᱪᱟᱹᱫ_ᱟ᱾ 

ᱚᱱᱚᱞ ᱺ  ᱠᱟᱞᱤᱫᱟᱥ ᱢᱩᱨᱢᱩ ᱾